Atyraý oblysynda politseiler tabeldik qarýdan oq atty, dep habarlaidy "Ult aqparat".
Bul oqiǵa búgin túngi saǵat 01:00 shamasynda Jylyoi aýdanyndaǵy Maikómgen aýylynyń mańynda bolǵan. Politsiia qyzmetkerleriniń toqtaý týraly zańdy talabyna «ÝAZ 390945-441» kóliginiń júrgizýshisi baǵynbaǵan.
«Politseilerden qashqan kóliktegi jolaýshylarynyń biri oq atqan. Tártip saqshylary tabeldik qarýdan aldymen aspanǵa, sodan keiin dóńgelekterge bir ret eskertý retinde oq atqannan keiin ǵana «ÝAZ» toqtatyldy. Nátijesinde oqiǵa ornynda Mańǵystaý oblysy, Boranqul aýylynyń 1995 jyly týǵan turǵyny kúdikti retinde ustaldy. Odan 16 kalibrli «IJ» markaly tirkelmegen ańshy myltyǵy tárkilendi», - dedi Atyraý oblystyq politsiia departamentiniń bastyǵy, politsiia polkovnigi Qamza Úmbetqaliev.
Qazir ustalǵan azamat tergeý izoliatoryna qamaýǵa alyndy.
