اتىراۋ وبلىسىندا پوليتسەيلەر تابەلدٸك قارۋدان وق اتتى, دەپ حابارلايدى "ۇلت اقپارات".
بۇل وقيعا بٷگٸن تٷنگٸ ساعات 01:00 شاماسىندا جىلىوي اۋدانىنداعى مايكٶمگەن اۋىلىنىڭ ماڭىندا بولعان. پوليتسييا قىزمەتكەرلەرٸنٸڭ توقتاۋ تۋرالى زاڭدى تالابىنا «ۋاز 390945-441» كٶلٸگٸنٸڭ جٷرگٸزۋشٸسٸ باعىنباعان.
«پوليتسەيلەردەن قاشقان كٶلٸكتەگٸ جولاۋشىلارىنىڭ بٸرٸ وق اتقان. تەرتٸپ ساقشىلارى تابەلدٸك قارۋدان الدىمەن اسپانعا, سودان كەيٸن دٶڭگەلەكتەرگە بٸر رەت ەسكەرتۋ رەتٸندە وق اتقاننان كەيٸن عانا «ۋاز» توقتاتىلدى. نەتيجەسٸندە وقيعا ورنىندا ماڭعىستاۋ وبلىسى, بورانقۇل اۋىلىنىڭ 1995 جىلى تۋعان تۇرعىنى كٷدٸكتٸ رەتٸندە ۇستالدى. ودان 16 كاليبرلٸ «يج» ماركالى تٸركەلمەگەن اڭشى مىلتىعى تەركٸلەندٸ», - دەدٸ اتىراۋ وبلىستىق پوليتسييا دەپارتامەنتٸنٸڭ باستىعى, پوليتسييا پولكوۆنيگٸ قامزا ٷمبەتقاليەۆ.
قازٸر ۇستالعان ازامات تەرگەۋ يزولياتورىنا قاماۋعا الىندى.
