Foto: Pixabay
Atyraý oblysynda 63 jastaǵy er adam ózin-ózi órtep jiberdi. Sonyń saldarynan denesiniń 81 paiyzyn kúiik shaldy. Qazir ol oblystyq aýrýhanada jatyr, - dep habarlaidy Kazinform.
Atyraý oblystyq politsiia departamenti baspasóz qyzmetiniń málimetine súiensek, bul oqiǵa Maqat aýdanynda bolǵan.
«Maqat aýdandyq politsiia bólimine Dossor kentiniń B.Aimaǵambetov kóshesindegi turǵyn úidiń janynda er adam ózin-ózi órtegeni týraly habar tústi. Politsiia qyzmetkerleri ózin-ózi órtegen atalǵan aýdannyń 1961 jylǵy turǵyny ekenin anyqtady», - deidi departamenttiń baspasóz qyzmeti.
Belgili bolǵandai, er adam biyl zeinet jasyna tolady eken. Biraq onyń mundai oqys qadamǵa ne úshin barǵany belgisiz.
Oblystyq densaýlyq saqtaý basqarmasynyń baspasóz qyzmetinen málim etkendei, ózin-ózi órtegen adam 14 qańtarda keshki saǵat 20:15-te Atyraý oblystyq aýrýhanasynyń qabyldaý bólimshesine jetkizilgen.
«Dárigerler er adamnyń densaýlyq jaǵdaiyn jiti tekserdi. Qazir naýqas jansaqtaý bóliminde jatyr. Onyń jaǵdaiy aýyr, denesiniń 81 paiyzyn kúiik shalǵan», - dep málim etti basqarmanyń baspasóz qyzmeti.
