Atyraý qalasynda ortalyq kópir ústinde birneshe kólik soqtyǵysqan jol apaty oryn aldy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, keleńsiz jaǵdai keshe, 9 tamyzda ortalyq kópir ústinde bolǵan.
«Jol-kólik oqiǵasyn tekserý kezinde belgili bolǵany, aldymen «Folksvagen Djeta» avtokóliginiń júrgizýshisi tejegishti basqan. Sol kezde oǵan «Lada Granta» markaly avtokóligi soqtyǵysqan. Eki kólik júrgizýshisi materialdyq shyǵyn bolmaǵandyqtan, oqiǵa ornynan ketip qalǵan. Al, «Mersedes» avtokóligi ózge kólikpen qaqtyǵyspaǵan. «Hiýndai Santa Fe» avtokóligi «Hiýndai Aktsent» avtokóligine soqtyǵysyp, bul kólik soqqy ekpinimen aldyndaǵy «Lada Priora» avtokóligin artynan túigen», - dep habarlady departamenttiń baspasóz qyzmeti.
Jol-kólik oqiǵasyna orai «Hiýndai Santa Fe» avtokóliginiń júrgizýshisine qatysty QR Ákimishilik quqyqbuzýshylyq týraly Kodeksiniń 610-babynyń 1-bóligimen (Kólik quraldary júrgizýshileriniń jol júrisi qaǵidalaryn adamdardyń densaýlyǵyna
ziian keltirýge, kólik quraldarynyń nemese ózge de múliktiń búlinýine alyp kelgen buzýshylyǵy) ákimshilik hattama toltyrylyp, ákimshilik sotqa joldanǵan.
