Atyraýdaǵy №2 oblystyq aýrýhanaǵa ókpesiniń 90 paiyzy qabynyp túsken 56 jastaǵy áiel emdelip shyqty, dep habarlaidy "Ult aqparat".
Emdeýshi dáriger Aidana Ǵalymjanqyzynyń aitýynsha, naýqas aýrýhanaǵa 17 shildede túsken.
«Naýqastyń ókpesiniń 90 paiyzy qabynǵan. Ony jansaqtaý bólimine jetkizbei, beiimdeý bóliminde emdedik. Naqty qoiylǵan diagnoz ben em-domnyń nátijesinde naýqas saýyǵyp, 8 tamyzda aýrýhanadan shyǵaryldy. Aldaǵy ýaqytta Mahambet aýdanynda ýchastkelik dárigerdiń tikelei baqylaýynda bolady. Bul – óńirde tirkelgen birinshi jaǵdai» - deidi Aidana Ǵalymjanqyzy.
Onyń málimetinshe, qazir aýrýhanada ókpesiniń 98 paiyzy qabynyp túsken naýqastar em qabyldap jatyr.
