Biyl Atyraý oblysynda memlekettik qyzmetshilerge eńbekaqy tóleýdiń jańa júiesi engiziledi. Pilottyq jobany faktorly baldyq shkala negizinde júzege asyrý kózdelip otyr, dep habarlaidy "Ult aqparat".
Bul týraly búgin oblystyq kadr saiasaty komissiiasynyń keńeitilgen otyrysynda belgili boldy. QR Memlekettik qyzmet isteri agenttigi Atyraý oblysy boiynsha departamentiniń basshysy Salaýat Múksimovtiń aitýynsha, buǵan deiin departamentte eńbekaqy tóleýdiń jańa júiesi engizilip, memlekettik qyzmetshilerdiń jalaqysy eki esege ósken. Endi pilottyq joba ákimdikterge engizilgeli otyr.
«Birinshiden, jalaqy mólsheri – birneshe kriteriige táýeldi. Eńbek ótili ózgeshe esepteledi. Fýnktsionaldy irikteý, topqa bólý júrgiziledi. Buryn eńbek ótili kóp qyzmetker jumystyń nátijesine qaramastan joǵary jalaqy alǵan bolsa, endi oǵan qyzmetiniń tiimdiligine bailanysty eńbekaqy tólenedi. Qazir 1 500-den astam shtat sany men olardyń jalaqysy bekitilýde.
Ekinshiden, jyl ótken soń ár memlekettik qyzmetshiniń jumysy baǵalanyp, sonyń nátijesimen bonýs mólsheri belgilenedi» - dedi QR Memlekettik qyzmet isteri agenttigi Atyraý oblysy boiynsha departamentiniń basshysy Salaýat Múksimov.
