بيىل اتىراۋ وبلىسىندا مەملەكەتتٸك قىزمەتشٸلەرگە ەڭبەكاقى تٶلەۋدٸڭ جاڭا جٷيەسٸ ەنگٸزٸلەدٸ. پيلوتتىق جوبانى فاكتورلى بالدىق شكالا نەگٸزٸندە جٷزەگە اسىرۋ كٶزدەلٸپ وتىر, دەپ حابارلايدى "ۇلت اقپارات".
بۇل تۋرالى بٷگٸن وبلىستىق كادر ساياساتى كوميسسيياسىنىڭ كەڭەيتٸلگەن وتىرىسىندا بەلگٸلٸ بولدى. قر مەملەكەتتٸك قىزمەت ٸستەرٸ اگەنتتٸگٸ اتىراۋ وبلىسى بويىنشا دەپارتامەنتٸنٸڭ باسشىسى سالاۋات مٷكسٸموۆتٸڭ ايتۋىنشا, بۇعان دەيٸن دەپارتامەنتتە ەڭبەكاقى تٶلەۋدٸڭ جاڭا جٷيەسٸ ەنگٸزٸلٸپ, مەملەكەتتٸك قىزمەتشٸلەردٸڭ جالاقىسى ەكٸ ەسەگە ٶسكەن. ەندٸ پيلوتتىق جوبا ەكٸمدٸكتەرگە ەنگٸزٸلگەلٸ وتىر.
«بٸرٸنشٸدەن, جالاقى مٶلشەرٸ – بٸرنەشە كريتەرييگە تەۋەلدٸ. ەڭبەك ٶتٸلٸ ٶزگەشە ەسەپتەلەدٸ. فۋنكتسيونالدى ٸرٸكتەۋ, توپقا بٶلۋ جٷرگٸزٸلەدٸ. بۇرىن ەڭبەك ٶتٸلٸ كٶپ قىزمەتكەر جۇمىستىڭ نەتيجەسٸنە قاراماستان جوعارى جالاقى العان بولسا, ەندٸ وعان قىزمەتٸنٸڭ تيٸمدٸلٸگٸنە بايلانىستى ەڭبەكاقى تٶلەنەدٸ. قازٸر 1 500-دەن استام شتات سانى مەن ولاردىڭ جالاقىسى بەكٸتٸلۋدە.
ەكٸنشٸدەن, جىل ٶتكەن سوڭ ەر مەملەكەتتٸك قىزمەتشٸنٸڭ جۇمىسى باعالانىپ, سونىڭ نەتيجەسٸمەن بونۋس مٶلشەرٸ بەلگٸلەنەدٸ» - دەدٸ قر مەملەكەتتٸك قىزمەت ٸستەرٸ اگەنتتٸگٸ اتىراۋ وبلىسى بويىنشا دەپارتامەنتٸنٸڭ باسشىسى سالاۋات مٷكسٸموۆ.
