Atyraýda zańsyz biznes úshin sheneýnikterge 3,8 mln teńge aiyppul salyndy, dep habarlaidy QazAqparat.
Atyraý oblysy boiynsha sybailas jemqorlyqqa qarsy qyzmet memlekettik qyzmetshilerdiń kásipkerlik qyzmetpen zańsyz ainalysý faktilerin anyqtaý boiynsha monitoringti bastady.
Qoldanystaǵy zańnamaǵa sáikes Qazaqstanda memlekettik qyzmetkerler kásipkerlik jáne basqa aqyly qyzmetpen ainalysýǵa, sondai-aq, kommertsiialyq uiymdy basqarýǵa qatysa almaidy.
Monitoring nátijesinde zańnamalyq tyiymǵa qaramastan ózge de aqyly qyzmetpen ainalysqan memlekettik qyzmetshiler anyqtaldy.
Máselen, qalalyq orta mektebiniń direktory memlekettik fýnktsiialardy oryndaýǵa ýákilettik berilgen tulǵa bola otyryp, kásipkerlik qyzmetti júzege asyrǵany anyqtaldy.
Nátijesinde tapqan tabysy 190 000 (bir júz toqsan myń) teńgeni qurady.
Laýazymdy tulǵaǵa 428 820 teńge kóleminde ákimshilik aiyppul salynyp, 190 000 teńge tabysy tárkilendi.
Jalpy alǵanda, jyl basynan beri osyndai buzýshylyqtar úshin 9 adam ákimshilik jaýapkershilikke tartyldy.
Atalǵan quqyq buzýshylyqtyń aldyn alý maqsatynda oblystyń barlyq memlekettik organnyń personaldy basqarý qyzmetkerlerimen kezdesý uiymdastyryldy.
