Atyraýda meditsina qyzmetkeri jasóspirimder tóbelesin politsiia qyzmetkerlerinen jasyrǵan, dep habarlaidy "Ult aqparat".
Atyraý oblysynyń politseileri 12-14 aqpanda «Jasóspirim» jedel-profilaktikalyq is-sharasyn ótkizip, birqatar zań buzýshylyqty anyqtaǵan.
«Is-shara kezinde 88 ákimshilik quqyqbuzýshylyq anyqtalyp, 82 ata-ata men 6 jeke tulǵa jaýapkershilikke tartyldy. Ishki ister organdaryna kámeletke tolmaǵan 79 jasóspirim ákelindi. Sondai-aq, 2 oqýshynyń tóbelesýi saldarynan aýdandyq aýrýhanaǵa júgingeni belgili boldy. Tóbelesken oqýshylardy meditsina qyzmetkeri qaraǵan. Biraq, densaýlyq saqtaý salasy qyzmetkeriniń ákimshilik quqyqbuzýshylyq deregin politsiia organdaryna ýaqytyly habarlamaǵany anyqtalyp otyr. Osyǵan orai meditsina qyzmetkerine qatysty QR Ákimshilik quqyqbuzýshylyq týraly Kodeksiniń 127-babynyń 1-bóligimen ákimshilik hattama toltyrylyp, sotqa joldandy» - dep habarlady departamenttiń baspasóz qyzmeti.
Sondai-aq, iývenaldy politsiia inspektorlary 45 qolaisyz otbasy men ártúrli sanatpen esepte alynǵan kámeletke tolmaǵan 18 jasóspirimdi turǵylyqty mekenjaiy boiynsha teksergen. Turmystyq zorlyq-zombylyq derekteriniń aldyn alý maqsatynda 45 qolaisyz otbasymen profilaktikalyq suhbat júrgizilgen.
«Bala tárbiesimen ainalyspai, júieli túrde alkogol ishimdigin paidalanýshy retinde esepke alynǵannyń biri – 1982 jyly týǵan turǵyn. Aýdan turǵynynyń kámeletke tolmaǵan balalarynyń kózinshe ishimdik ishkeni anyqtalyp, oǵan qatysty QR Ákimshilik quqyqbuzýshylyq týraly kodeksiniń 127-babymen ákimshilik hattama toltyryldy. Ishki ister organdarynyń esebine kámeletke tolmaǵan 11 jasóspirim men 7 qolaisyz otbasy alyndy» - dep málim etti baspasóz qyzmetinen.
