Atyraý oblysynda koronavirýs infektsiiasyn juqtyrǵandardyń 3-eýi «Ystanbul-Atyraý» reisimen ushyp kelgendermen bir bortta bolǵan, dep habarlaidy "Ult aqparat".
Bul reis 27 naýryzda Atyraý áýejaiyna qonǵan bolatyn. Sol kúnnen beri jolaýshylardyń barlyǵy karantindik statsionarǵa oqshaýlandy. Al, 1958 jyly týǵan er men áiel, sondai-aq, 1981 jyly týǵan er adam infektsiialyq statsionarǵa jatqyzyldy.
«Olar bekitilgen biregei hattama boiynsha em alyp jatyr. Úsheýiniń de jaǵdaiy birqalypty. Qazir Atyraýda koronavirýs infektsiiasy anyqtalǵan 39 adam em alyp jatyr. Sonyń ishinde 2 naýqastyń jaǵdaiy aýyr» dep habarlady óńirlik kommýnikatsiialar qyzmeti.
Buǵan deiin Atyraý oblysynda koronavirýs juqtyrǵan 3 adamnyń anyqtalǵany jazylǵan edi.
