Almatyda marshrýttyq avtobýsta pyshaq ustap, jolaýshylarǵa qaýip tóndirgen 38 jastaǵy er adam 12 táýlikke ákimshilik qamaýǵa alyndy, dep habarlaidy ult.kz.
Oqiǵa túsirilgen video áleýmettik jelilerde tarady. Kadrlarda er adamnyń avtobýsta janjal shyǵaryp, politsiia qyzmetkerleriniń talabyna baǵynbaǵany kórinedi.
Qalalyq politsiia departamentiniń málimetinshe, Jetisý aýdandyq politsiia basqarmasyna marshrýttyq avtobýsta janjal shyǵarǵan er adam týraly habarlama túsken. Oqiǵa ornyna barǵan patrýldik politsiia qyzmetkerleri agressivti áreket kórsetken azamatty qarýsyzdandyryp, ustaǵan.
Ustalǵan adam 38 jastaǵy Nurjan Mailybaev bolyp shyqty. Politsiia oǵan eki quqyq buzýshylyq boiynsha ákimshilik hattama toltyrǵan.
Sot materialdaryn qaraý qorytyndysy boiynsha er adamǵa 12 táýlikke ákimshilik qamaý jazasy taǵaiyndaldy.
