الماتىدا مارشرۋتتىق اۆتوبۋستا پىشاق ۇستاپ, جولاۋشىلارعا قاۋٸپ تٶندٸرگەن 38 جاستاعى ەر ادام 12 تەۋلٸككە ەكٸمشٸلٸك قاماۋعا الىندى, دەپ حابارلايدى ult.kz.
وقيعا تٷسٸرٸلگەن ۆيدەو ەلەۋمەتتٸك جەلٸلەردە تارادى. كادرلاردا ەر ادامنىڭ اۆتوبۋستا جانجال شىعارىپ, پوليتسييا قىزمەتكەرلەرٸنٸڭ تالابىنا باعىنباعانى كٶرٸنەدٸ.
قالالىق پوليتسييا دەپارتامەنتٸنٸڭ مەلٸمەتٸنشە, جەتٸسۋ اۋداندىق پوليتسييا باسقارماسىنا مارشرۋتتىق اۆتوبۋستا جانجال شىعارعان ەر ادام تۋرالى حابارلاما تٷسكەن. وقيعا ورنىنا بارعان پاترۋلدٸك پوليتسييا قىزمەتكەرلەرٸ اگرەسسيۆتٸ ەرەكەت كٶرسەتكەن ازاماتتى قارۋسىزداندىرىپ, ۇستاعان.
ۇستالعان ادام 38 جاستاعى نۇرجان مايلىباەۆ بولىپ شىقتى. پوليتسييا وعان ەكٸ قۇقىق بۇزۋشىلىق بويىنشا ەكٸمشٸلٸك حاتتاما تولتىرعان.
سوت ماتەريالدارىن قاراۋ قورىتىندىسى بويىنشا ەر ادامعا 12 تەۋلٸككە ەكٸمشٸلٸك قاماۋ جازاسى تاعايىندالدى.
