Qazaqstanda «7-20-25» baǵdarlamasynyń 2026 jylǵy sońǵy limiti iske qosyldy. 1 qazannan bastap taǵy 25 mlrd teńge bólinip, biylǵy jalpy qarjylandyrý kólemi 100 mlrd teńgege jetti, dep habarlaidy ult.kz.
Baǵdarlama boiynsha ipoteka 7% mólsherlememen, keminde 20% bastapqy jarnamen jáne 25 jylǵa deiingi merzimge beriledi. Baspana tek paidalanýǵa berilgen jańa úiden satyp alynady.
Ipoteka alý úshin sońǵy 18 aida ótinish berýshi men jubaiynyń atynda úi bolmaýy, resmi tabysy bolýy jáne qoldanystaǵy ipotekalyq qaryzy bolmaýy kerek. Sonymen qatar, azamat buǵan deiin «7-20-25» baǵdarlamasyna qatyspaǵan bolýy tiis.
Nesie shegi Astana, Almaty, Shymkent, Aqtaý, Atyraý jáne mańyndaǵy eldi mekenderde — 30 mln, Qaraǵandyda — 25 mln, basqa óńirlerde 20 mln teńgege deiin.
Baǵdarlamaǵa jeti bank qatysady. Al «Otbasy bank» nesie bermeidi.
2026 jyldyń alǵashqy toǵyz aiynda 3696 nesie rásimdelip, 74,9 mlrd teńge igerilgen. Jalpy, 2018 jyldan beri 86 851 nesie berilip, onyń somasy 1,249 trln teńgeden asty.
