قازاقستاندا «7-20-25» باعدارلاماسىنىڭ 2026 جىلعى سوڭعى ليميتٸ ٸسكە قوسىلدى. 1 قازاننان باستاپ تاعى 25 ملرد تەڭگە بٶلٸنٸپ, بيىلعى جالپى قارجىلاندىرۋ كٶلەمٸ 100 ملرد تەڭگەگە جەتتٸ, دەپ حابارلايدى ult.kz.
باعدارلاما بويىنشا يپوتەكا 7% مٶلشەرلەمەمەن, كەمٸندە 20% باستاپقى جارنامەن جەنە 25 جىلعا دەيٸنگٸ مەرزٸمگە بەرٸلەدٸ. باسپانا تەك پايدالانۋعا بەرٸلگەن جاڭا ٷيدەن ساتىپ الىنادى.
يپوتەكا الۋ ٷشٸن سوڭعى 18 ايدا ٶتٸنٸش بەرۋشٸ مەن جۇبايىنىڭ اتىندا ٷي بولماۋى, رەسمي تابىسى بولۋى جەنە قولدانىستاعى يپوتەكالىق قارىزى بولماۋى كەرەك. سونىمەن قاتار, ازامات بۇعان دەيٸن «7-20-25» باعدارلاماسىنا قاتىسپاعان بولۋى تيٸس.
نەسيە شەگٸ استانا, الماتى, شىمكەنت, اقتاۋ, اتىراۋ جەنە ماڭىنداعى ەلدٸ مەكەندەردە — 30 ملن, قاراعاندىدا — 25 ملن, باسقا ٶڭٸرلەردە 20 ملن تەڭگەگە دەيٸن.
باعدارلاماعا جەتٸ بانك قاتىسادى. ال «وتباسى بانك» نەسيە بەرمەيدٸ.
2026 جىلدىڭ العاشقى توعىز ايىندا 3696 نەسيە رەسٸمدەلٸپ, 74,9 ملرد تەڭگە يگەرٸلگەن. جالپى, 2018 جىلدان بەرٸ 86 851 نەسيە بەرٸلٸپ, ونىڭ سوماسى 1,249 ترلن تەڭگەدەن استى.
