Atyraýda kópqabatty úide lift qulap, bir adam mert boldy, dep habarlaidy "Ult aqparat".
Oqys oqiǵa búgin, 4 tamyzda saǵat 10:00 shamasynda bolǵan.
Bul derekti oblystyq politsiia departamentiniń baspasóz qyzmeti rastady.
Kópqabatty turǵyn úidegi liftini bólshekteý kezinde eki qyzmetker lift shahtasyna qulap ketken.
Oqiǵa ornynda 40 jastaǵy adam mert bolǵan.
Al, oblystyq tótenshe jaǵdailar departamenti baspasóz qyzmetiniń málimetine qaraǵanda, «Ardager» turǵyn úi kesheninde lift kabinasy 15-qabattan qulaǵan.
«Sol kezde «Lift Invest» JShS-nyń eki qyzmetkeri liftide jóndeý júrgizip jatqany anyqtaldy. Onyń biri – 40 jastaǵy er adam oqiǵa ornynda kóz jumdy. Al, ekinshisi – 1987 jylǵy jigit aýyr halde aýrýhanaǵa jetkizildi. Ekeýi de – Almaty oblysynyń turǵyndary» - dep habarlady departamenttiń baspasóz qyzmeti.
Oqiǵa ornynda tótenshelikterdiń 3 qyzmetkeri men 1 tehnikasy, politsiia departamentiniń 3 qyzmetkeri, 1 tehnikasy jumyldyryldy.
