اتىراۋدا كٶپقاباتتى ٷيدە ليفت قۇلاپ, بٸر ادام مەرت بولدى, دەپ حابارلايدى "ۇلت اقپارات".
وقىس وقيعا بٷگٸن, 4 تامىزدا ساعات 10:00 شاماسىندا بولعان.
بۇل دەرەكتٸ وبلىستىق پوليتسييا دەپارتامەنتٸنٸڭ باسپاسٶز قىزمەتٸ راستادى.
كٶپقاباتتى تۇرعىن ٷيدەگٸ ليفتٸنٸ بٶلشەكتەۋ كەزٸندە ەكٸ قىزمەتكەر ليفت شاحتاسىنا قۇلاپ كەتكەن.
وقيعا ورنىندا 40 جاستاعى ادام مەرت بولعان.
ال, وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە قاراعاندا, «ارداگەر» تۇرعىن ٷي كەشەنٸندە ليفت كابيناسى 15-قاباتتان قۇلاعان.
«سول كەزدە «ليفت ينۆەست» جشس-نىڭ ەكٸ قىزمەتكەرٸ ليفتٸدە جٶندەۋ جٷرگٸزٸپ جاتقانى انىقتالدى. ونىڭ بٸرٸ – 40 جاستاعى ەر ادام وقيعا ورنىندا كٶز جۇمدى. ال, ەكٸنشٸسٸ – 1987 جىلعى جٸگٸت اۋىر حالدە اۋرۋحاناعا جەتكٸزٸلدٸ. ەكەۋٸ دە – الماتى وبلىسىنىڭ تۇرعىندارى» - دەپ حابارلادى دەپارتامەنتتٸڭ باسپاسٶز قىزمەتٸ.
وقيعا ورنىندا تٶتەنشەلٸكتەردٸڭ 3 قىزمەتكەرٸ مەن 1 تەحنيكاسى, پوليتسييا دەپارتامەنتٸنٸڭ 3 قىزمەتكەرٸ, 1 تەحنيكاسى جۇمىلدىرىلدى.
