Atyraýda kópirden sekirgen júkti áiel qutqaryldy, dep habarlaidy QazAqparat.
Oblystyq TJD baspasóz qyzmeti taratqan málimetke sensek, 2021 jyldyń 7 jeltoqsanynda júkti áiel jaiaý júrginshiler kópirinen sekirip ketken.
Oqiǵa tańerteń saǵat 09.35 kezinde bolǵan..
Atyraý oblystyq politsiia departamentiniń qyzmetkerleri qaiyqpen áieldiń janyna deiin júzip, ony sýdan shyǵardy.
Sosyn politseiler kelinshekti Atyraý oblysy TJD qyzmetkerlerine tapsyrdy.
Qutqarýshylar dereý jasandy tynys alý jáne júrek massajy arqyly alǵashqy kómek kórsetti.
Qutqarýshylardyń jedel jáne batyl áreketiniń arqasynda áiel adam jedel járdem kelgenge deiin qutqaryldy.
Qutqarý operatsiiasyna Atyraý oblysy tótenshe jaǵdailar departamentiniń 5 qyzmetkeri men bir tehnika qatysty.
