Atyraýda kóp ret paidalanýǵa arnalǵan 8000 meditsinalyq maska satylymǵa tústi, dep habarlaidy "Ult aqparat".
Atyraý oblystyq taýarlar men qyzmetterdiń sapasy men qaýipsizdigin baqylaý departamenti baspasóz qyzmetiniń habarlaýynsha, 23 naýryzdan bastap óńirdegi dárihanalarda kóp rettik meditsinalyq maskalar satylyp jatyr.
Osy kezge deiin osyndai 1044 maska bolsa, endi oǵan 8000 dana qosyldy. Mundai maska «Na Gýrevskoi», «Dilnaz», «Gippokrat», sondai-aq, «Narikova», «Ýtarova» jeke kásipkerliginiń dárihanalarynda satylýda.
«Farmatsevtikalyq sýbektiler qaýymdastyǵynyń sheshimine sáikes, kóp rettik meditsinalyq maskalardyń baǵasy 110 teńgeden qymbat bolmaýy tiis. Bir adamǵa 5 danadan artyq satylmaidy», - deidi departamenttiń baspasóz hatshysy Balkenje Qabirova.
