اتىراۋدا كٶپ رەت پايدالانۋعا ارنالعان 8000 مەديتسينالىق ماسكا ساتىلىمعا تٷستٸ, دەپ حابارلايدى "ۇلت اقپارات".
اتىراۋ وبلىستىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسپاسٶز قىزمەتٸنٸڭ حابارلاۋىنشا, 23 ناۋرىزدان باستاپ ٶڭٸردەگٸ دەرٸحانالاردا كٶپ رەتتٸك مەديتسينالىق ماسكالار ساتىلىپ جاتىر.
وسى كەزگە دەيٸن وسىنداي 1044 ماسكا بولسا, ەندٸ وعان 8000 دانا قوسىلدى. مۇنداي ماسكا «نا گۋرەۆسكوي», «ديلناز», «گيپپوكرات», سونداي-اق, «ناريكوۆا», «ۋتاروۆا» جەكە كەسٸپكەرلٸگٸنٸڭ دەرٸحانالارىندا ساتىلۋدا.
«فارماتسەۆتيكالىق سۋبەكتٸلەر قاۋىمداستىعىنىڭ شەشٸمٸنە سەيكەس, كٶپ رەتتٸك مەديتسينالىق ماسكالاردىڭ باعاسى 110 تەڭگەدەن قىمبات بولماۋى تيٸس. بٸر ادامعا 5 دانادان ارتىق ساتىلمايدى», - دەيدٸ دەپارتامەنتتٸڭ باسپاسٶز حاتشىسى بالكەنجە قابيروۆا.
