Atyraýda kólik urlap, qoqys jáshigine jasyrynǵan er adam ustaldy, - dep habarlaidy "Ult aqparat" Polisia.kz portalyna silteme jasap.
Vedomstvo málimetinshe, 5 jeltoqsan saǵat 20:00 shamasynda 102 arnasyna 49 jastaǵy áiel habarlasyp, bes minýt buryn úiiniń aldynda otalyp turǵan Nissan Almera kóligin belgisiz adam zańsyz aidap áketkenin aitqan.
Osy habarlama boiynsha tártip saqshylary "Sergek" beinebaqylaý júiesi arqyly kóliktiń Áliev kópirine qarai bara jatqanyn anyqtaǵan. Osylaisha, patrýldik politsiia qyzmetkerlerine baǵyttama berilgen.
Oqiǵa ornyna jedel jetken Batys-15 qyzmetkerleri avtokólikti Mahambet-Satybaldiev kóshe qiylysynda toqtatqan kezde kúdikti politsiia qyzmetkerlerine baǵynbai, qashyp ketedi. Bunymen qoimai, ol jol erejesin óreskel buzyp, qarsy baǵytqa shyǵyp, jol-kólik oqiǵasyn jasaidy. Keiin politsiia qyzmetkerlerinen qashyp, jaqyn mańdaǵy qoqys jáshigine tyǵylyp qalǵany anyqtalady.
Oqiǵa ornyna jetken politseiler kúdiktini ustaǵan. Tekseris barysynda 34 jastaǵy er adam "Kólikti aidap áketýshi" jáne "Qalta urysy" sanatynda esepte turǵany anyqtalǵan. Nátijesinde kólik arnaiy turaqqa qoiylyp, ustalǵan azamat jedel-tergeý tobyna tapsyrylǵan.
