Atyraýda Qazaqstannyń halyq ártisi, dáýlesker kúishi Qarshyǵa Ahmediiarovqa eskertkish ornatyldy, dep habarlaidy "Ult aqparat".
Eskertkishtiń ashylý saltanatynda Atyraý oblysynyń ákimi Nurlan Noǵaev Qarshyǵa Ahmediiarovtyń sheber oryndaýshy ǵana emes, óskeleń urpaqty óner jolyna baýlyǵan, ulttyq sananyń qalyptasýyna úlken eńbek sińirgen pedagog bolǵanyn atap ótti.
«Qarshyǵa Ahmediiarov ultynyń maqtanyshy boldy. Ol kúi zertteýshisi, ustaz retinde birneshe óner sheberlerin tárbielep shyǵardy. Bes jasynda qolyna alǵan qazaqtyń qasietti dombyrasy ómirlik serigine ainaldy. Qarshyǵa Ahmediiarov belgili kúishilerdiń shyǵarmalaryn oryndap qana qoiǵan joq, ózi de 60-tan astam kúi shyǵardy», - dedi Nurlan Noǵaev.
Dombyrasyn qolyna alyp tuǵyrǵa qonǵan kúishi eskertkishi - músinshi Edige Rahmadievtiń jumysy. Músinniń biiktigi - 3,5 metr.
Eskertkishtiń ashylý saltanatynda sóz sóilegen Qarshyǵa Ahmediiarovtyń týystary onyń ǵajap oryndaýshylyq sheberligi, bai shyǵarmashylyq murasy men ónerdegi izin jalǵaityn daryndy shákirtteri týraly aitty.
