اتىراۋدا قازاقستاننىڭ حالىق ەرتٸسٸ, دەۋلەسكەر كٷيشٸ قارشىعا احمەديياروۆقا ەسكەرتكٸش ورناتىلدى, دەپ حابارلايدى "ۇلت اقپارات".
ەسكەرتكٸشتٸڭ اشىلۋ سالتاناتىندا اتىراۋ وبلىسىنىڭ ەكٸمٸ نۇرلان نوعاەۆ قارشىعا احمەديياروۆتىڭ شەبەر ورىنداۋشى عانا ەمەس, ٶسكەلەڭ ۇرپاقتى ٶنەر جولىنا باۋلىعان, ۇلتتىق سانانىڭ قالىپتاسۋىنا ٷلكەن ەڭبەك سٸڭٸرگەن پەداگوگ بولعانىن اتاپ ٶتتٸ.
«قارشىعا احمەديياروۆ ۇلتىنىڭ ماقتانىشى بولدى. ول كٷي زەرتتەۋشٸسٸ, ۇستاز رەتٸندە بٸرنەشە ٶنەر شەبەرلەرٸن تەربيەلەپ شىعاردى. بەس جاسىندا قولىنا العان قازاقتىڭ قاسيەتتٸ دومبىراسى ٶمٸرلٸك سەرٸگٸنە اينالدى. قارشىعا احمەديياروۆ بەلگٸلٸ كٷيشٸلەردٸڭ شىعارمالارىن ورىنداپ قانا قويعان جوق, ٶزٸ دە 60-تان استام كٷي شىعاردى», - دەدٸ نۇرلان نوعاەۆ.
دومبىراسىن قولىنا الىپ تۇعىرعا قونعان كٷيشٸ ەسكەرتكٸشٸ - مٷسٸنشٸ ەدٸگە راحماديەۆتٸڭ جۇمىسى. مٷسٸننٸڭ بيٸكتٸگٸ - 3,5 مەتر.
ەسكەرتكٸشتٸڭ اشىلۋ سالتاناتىندا سٶز سٶيلەگەن قارشىعا احمەديياروۆتىڭ تۋىستارى ونىڭ عاجاپ ورىنداۋشىلىق شەبەرلٸگٸ, باي شىعارماشىلىق مۇراسى مەن ٶنەردەگٸ ٸزٸن جالعايتىن دارىندى شەكٸرتتەرٸ تۋرالى ايتتى.
