Atyraýda aqyn Fariza Ońǵarsynovanyń 80 jyldyǵyna arnalǵan «Patsha – sózdiń Farizasy» atty respýblikalyq aptalyq ótip jatyr, dep habarlaidy "Ult aqparat".
Shara aqynnyń eskertkishine gúl shoqtaryn qoiýdan bastalyp, H. Dosmuhamedov atyndaǵy Atyraý Memlekettik ýniversitetinde jalǵasyn tapty. «Ar men aqyn» derekti filminiń tusaýy sonda kesilip, «Jyr – meniń jalǵyz tarlanym» aýdiodiskisi tanystyryldy. Aqynnyń ózi oqyǵan óleńder jazylǵan aýdiodiskini belgili jazýshy Ánes Sarai men Atyraý Memlekettik ýniversitetiniń professory Qadyr Ótegenuly jalpaq jurtqa usyndy.
Aptalyq aiasynda «Patsha – sózdiń Farizasy» atty ǵylymi-praktikalyq konferentsiia da uiymdastyryldy. Oǵan oblys ákiminiń orynbasary Aigúl Ájiǵalieva qatysyp, sharanyń úlken mańyzyn atap ótti.
«Fariza Ońǵarsynova – Atyraý jerinde týǵan. Qazirgi H. Dosmuhamedov atyndaǵy Atyraý Memlekettik ýniversitetiniń alǵashqy qarlyǵashtarynyń biri. Ol sóz óneriniń qas sheberi, asqan daryn iesi. Onyń shyǵarmashylyǵynyń máni men erekshelikterin tolyq ashý - qiynnyń qiyny. Onyń týyndylary – qazaqtyń aqyn qyzdary shyǵarmashylyǵynyń biigi. Aqynnyń óleńderi – máńgilik», - dedi A. Ájiǵalieva.
