Atyraýda eki jasóspirim 15-shi qabattan lift shahtasyna qulap, qaza boldy

21 mamyr kúni Atyraýda eki jasóspirim abaisyzda 15-qabattan shahtanyń júk tasymaldaityn liftine qulap ketken.

Zardap shekkenderdiń biri oqiǵa ornynda dúnie salsa, ekinshi jasóspirim oblystyq aýrýhananyń jansaqtaý bóliminde kóz jumǵan.

Almagúl yqshamaýdanynda bolǵan qaiǵyly oqiǵaǵa bailanysty arnaiy komissiia qurylyp, barlyq lift sharýashylyqtary tekserilmek. Bul týraly Óńirlik kommýnikatsiialar qyzmetinde ótken brifingte Atyraý qalalyq TJ jáne jumyldyrylǵan jumys bóliminiń basshysy Talǵar Hairýllin málimdedi.

Onyń aitýynsha, eki jasóspirim qaza tapqan jazataiym oqiǵanyń sebebin anyqtaityn komissiia qurylǵan.

- Barlyq lift sharýashylyqtaryna tekserý júrgiziledi. 94  kóp qatarly turǵyn úide 266  lift ornatylǵan. Onyń 32-si jumys istemeidi, jeteýi júk lifti, - deidi Talǵar Hairýllin.

Tragediia bolǵan úidegi júk lifti 2012 jyly demontajdalǵan, esikteri dánekerlengen. - Jasóspirimderdiń lift shahtasyna qalai kirgenderin tergeý jumystary men qurylǵan komissiia anyqtaidy, -  deidi T.Hairýllin.

Jazataiym oqiǵa bolǵan turǵyn úi 2007 jyly salynǵan, 2010  jyly 16 qatarly úi kúrdeli jóndeýden ótti,  sol kezde liftiler de jóndelgen. Liftilerdi iske qosýmen  «Kaspii lift» JShS ainalysady, PIK, páter ieleri men atalǵan mekeme arasynda úshjaqty kelisim jasalǵan.