Foto: Ashyq derekkózden
Atyraýda eki kólik soqtyǵysyp, jol apatynan bir adam mert boldy, dep habarlaidy QazAqparat.
Atyraý oblystyq politsiia departamenti baspasóz qyzmetiniń aqparatyna qaraǵanda, jol-kólik oqiǵasy keshe, 22 jeltoqsanda bolǵan.
«Atyraý qalasyndaǵy Z.Qabdolov kóshesiniń boiynda Chevrolet Cobalt pen Lexus kólikteri soqtyǵysyp qaldy. Jol-kólik oqiǵasy Chevrolet Cobalt kóligin júrgizgen júrgizýshiniń kinásinen bolǵan. Ol joldyń qarsy baǵytyna shyǵyp ketken. Sonyń saldarynan Shevrolet Cobalt kóliginde otyrǵan 50 jastaǵy jolaýshy oqiǵa ornynda qaza tapty», -dep habarlady departamenttiń baspasóz qyzmeti.
Qazir atalǵan jol-kólik oqiǵasyna bailanysty QR Qylmystyq kodeksiniń 345-babynyń 3-bóligimen sotqa deiingi tergeý amaldary júrgizilip jatyr.
Jergilikti politsiia qyzmeti basqarmasynyń bastyǵy, politsiia polkovnigi Erlan Biǵambaevtyń aitýynsha, biylǵy jyl basynan beri oblys aýmaǵynda 326 jol-kólik oqiǵasy tirkelgen.
Jol apatynan 391 adam jaraqat alǵan, 89 jolaýshy kóz jumǵan.
