اتىراۋدا ەكٸ كٶلٸك سوقتىعىسىپ, بٸر ادام مەرت بولدى

فوتو: اشىق دەرەككٶزدەن

اتىراۋدا ەكٸ كٶلٸك سوقتىعىسىپ, جول اپاتىنان بٸر ادام مەرت بولدى, دەپ حابارلايدى قازاقپارات.

اتىراۋ وبلىستىق پوليتسييا دەپارتامەنتٸ باسپاسٶز قىزمەتٸنٸڭ اقپاراتىنا قاراعاندا, جول-كٶلٸك وقيعاسى كەشە, 22 جەلتوقساندا بولعان.

«اتىراۋ قالاسىنداعى ز.قابدولوۆ كٶشەسٸنٸڭ بويىندا Chevrolet Cobalt پەن Lexus كٶلٸكتەرٸ سوقتىعىسىپ قالدى. جول-كٶلٸك وقيعاسى Chevrolet Cobalt كٶلٸگٸن جٷرگٸزگەن جٷرگٸزۋشٸنٸڭ كٸنەسٸنەن بولعان. ول جولدىڭ قارسى باعىتىنا شىعىپ كەتكەن. سونىڭ سالدارىنان سhevrolet Cobalt كٶلٸگٸندە وتىرعان 50 جاستاعى جولاۋشى وقيعا ورنىندا قازا تاپتى», -دەپ حابارلادى دەپارتامەنتتٸڭ باسپاسٶز قىزمەتٸ.

قازٸر اتالعان جول-كٶلٸك وقيعاسىنا بايلانىستى قر قىلمىستىق كودەكسٸنٸڭ 345-بابىنىڭ 3-بٶلٸگٸمەن سوتقا دەيٸنگٸ تەرگەۋ امالدارى جٷرگٸزٸلٸپ جاتىر.

جەرگٸلٸكتٸ پوليتسييا قىزمەتٸ باسقارماسىنىڭ باستىعى, پوليتسييا پولكوۆنيگٸ ەرلان بيعامباەۆتىڭ ايتۋىنشا, بيىلعى جىل باسىنان بەرٸ وبلىس اۋماعىندا 326 جول-كٶلٸك وقيعاسى تٸركەلگەن.

جول اپاتىنان 391 ادام جاراقات العان, 89 جولاۋشى كٶز جۇمعان.