Foto: Polisia.kz
Atyraýda dini-ekstremistik ideologiiany ýaǵyzdaýshy er adam ustaldy, dep habarlaidy Ult.kz inbusiness.kz saity.
Atalǵan qozǵalys Úndistan jáne Pákistan elinen shyqqan, ideologiia azamattyq quqyqtar men mindetterden (otbasyn qamtamasyz etý, ata-anaǵa qamqorlyq jasaý, balalardy tárbieleý, bilim alý, turaqty jumys isteý jáne t.b.) bas tartý arqyly úzdiksiz missionerlik qyzmetke negizdeledi.
Uiym Qazaqstanda ekstremistik dep tanylyp, dástúrli moraldyq qundylyqtarǵa qater tóndiretin uiym retinde sot arqyly tyiym salynǵan.
Jedel-izdestirý is-sharalarynyń nátijesinde ustalǵan azamattyń meshitterde dindar jastarmen ádeii kezdesip, úilerine shaqyryp, ekstremistik áreketterge tartý maqsatynda "Tabliǵi jamaǵat" ideologiiasyn nasihattaǵany anyqtaldy. Turǵylyqty meken-jaiyn tintý kezinde sot sheshimimen tyiym salynǵan dini mazmundaǵy kitaptar men elektrondy materialdar tárkilendi.
44 jastaǵy kúdikti buǵan deiin de osy ekstremistik uiymnyń qyzmetine qatysqany úshin sotty bolǵan. Ekstremizmdi júzege asyrýǵa bailanysty sot sheshimimen tyiym salynǵan dini uiymdy uiymdastyrý jáne onyń qyzmetine qatysý belgileri boiynsha qylmystyq is tergelýde.
Ózge aqparat tergeý múdessine sáikes jariialaýǵa jatpaidy.
