Atyraýda káriz qubyrynan náreste tabylýyna bailanysty sotqa deiingi tergeý jumystary júrip jatyr, dep habarlaidy "Ult aqparat".
«Sársenbi kúni «Avangard» yqshamaýdanynda turǵyndardyń biri káriz qubyrynan jańa týǵan sábidi tapty. Shaqalaq oblystyq balalar aýrýhanasyna jetkizilip, kývezge jatqyzyldy. Osy fakti boiynsha QR QK 119 bap, 1-tarmaǵy boiynsha sotqa deiingi tergeý jumystary júrip jatyr», - dep habarlady politsiia departamentiniń baspasóz qyzmeti.
Aita keteiik, bul bap boiynsha júz ailyq eseptik kórsetkishke deiingi mólsherde aiyppul salý nemese sol mólsherde túzeý jumystaryna nemese júz jiyrma saǵatqa deiingi merzimge qoǵamdyq jumysqa tartý ne qyryq bes táýlikke deiingi merzimge qamaqqa alý jazasy qarastyrylǵan.
Esterińizge sala keteiik, buǵan deiin Atyraýda káriz qubyrynan náreste tabylyp, meditsina mamandary onyń ómirin saqtap qalý úshin qoldan kelgenniń bárin jasap jatqanyn jazǵan bolatynbyz.
