Táýelsizdik merekesine orai bokstan eki dúrkin álem chempiony Madiiar Áshkeev pen Meiirim Nursultanov atyraýlyq jankúierlerimen kezdesti, dep habarlaidy "Ult aqparat".
Atyraýlyq jas sportshylarǵa sheberlik sabaǵyn ótkizgen chempiondar, kezdesý barysynda ózderiniń úlken sportqa qalai kelgendikteri týraly baiandady. «Biz aldymyzǵa maqsat qoia bildik. Boksqa áýestigim 12 jasymda bastaldy. Maǵan aǵam úlgi bolatyn. Talmai eńbektenýdiń arqasynda, osyndai jetistikterge jettik dep oilaimyn», - dedi, Madiiar Áshkeev. Al, Meiirim Nursultanov óz kezeginde jas sportshylarǵa árbir isti sońyna deiin jetkize bilý kerek degen keńes aitty. Aita keteiik, sportshylar sońǵy jarystarynda da jeńis tuǵyrynan kóringen bolatyn. Niý-Iorktegi «Medison Skver Gardende» ótken Sergei Kovalev pen Igor Mihalkin jekpe-jeginiń anderkartynda atyraýlyq boksshylar minsiz óner kórsete bildi. Osyǵan deiin Madiiar Áshkeev kásipqoi boksta 14 ret jeńiske jetken. Onyń 7-ýin nokaýtpen utqan. Meiirim Nursultanovta kásipqoi ringtegi 13 jekpe-jeginde de jeńiske jetip, 8 jekpe-jekti merzimnen buryn aiaqtaǵan. Sonymen qatar, eki sportshy da Amerika qurlyǵynyń WBC nusqasy boiynsha chempion.
