Atyraýda brondalǵan áskeri tehnikany satpaq bolǵan turǵyn ustaldy, dep habarlaidy QazAqparat.
Oblystyq politsiia departamentiniń baspasóz qyzmetinen málim etkendei, 35 jastaǵy er adam brondalǵan barlaý-sholǵynshy mashinasyn (BRDM-2) zańsyz satýǵa tyrysqan.
«Ekstremizmge qarsy is-qimyl basqarmasynyń qyzmetkerleri 12 sáýirde politsiiaǵa túsken jedel aqparatty tekserip, jedel-izdestirý is-sharasyn júrgizdi. Tekserýdiń nátijesinde 1986 jylǵy azamatqa tiesili áskeri tehnika tabylyp, tárkilendi. Qazir atalǵan derekke qatysty QR Qylmystyq kodeksiniń 386-babynyń 1-bóligimen sotqa deiingi tergep-tekserý amaldary júrgizilip jatyr», -dep habarlady departamenttiń baspasóz qyzmeti.
Kúdiktige qatysty eshqaida ketpeý týraly qolhat túrindegi bultartpaý sharasy tańdaldy.
