Atyraý oblysyndaǵy Janbai aýylynyń tórt turǵyny tótenshe jaǵdai rejimin buzǵany úshin úsh táýlikke qamaldy, dep habarlaidy "Ult aqparat".
«Janbai aýylynyń tórt turǵyny tótenshe jaǵdaidyń jariialanýyna bailanysty memlekettik organ belgilegen talaptardy oryndaǵan. Olar 2020 jyly 7 sáýirde túngi saǵat 22.30-ter shamasynda Aqqystaý aýylyndaǵy Egemen Qazaqstan kóshesiniń boiynda toptasyp júrgen. Keshki saǵat 21:00-den keiin kólikpen sebepsiz shyqqan ári tótenshe jaǵdai rejimin buzǵan», - dep habarlady oblystyq sottyń baspasóz qyzmeti.
Osyǵan bailanysty ákimshilik hattama toltyrylyp, material Isatai aýdandyq sotyna joldanǵan. Sotta tótenshe jaǵdai rejimin buzý faktisine qatysty 4 ákimshilik is qaraldy. Quqyq buzýshylar «TrueConf» qosymshasy arqyly sot otyrysyna qatysyp, ózderiniń kinásyn moiyndady.
Sot qaýlysymen quqyq buzýshylar kináli dep tanylyp, olardyń árqaisysyna 3 táýlik merzimge ákimshilik qamaýǵa alý jazasy taǵaiyndaldy.
