اتىراۋ وبلىسىنداعى جانباي اۋىلىنىڭ تٶرت تۇرعىنى تٶتەنشە جاعداي رەجيمٸن بۇزعانى ٷشٸن ٷش تەۋلٸككە قامالدى, دەپ حابارلايدى "ۇلت اقپارات".
«جانباي اۋىلىنىڭ تٶرت تۇرعىنى تٶتەنشە جاعدايدىڭ جارييالانۋىنا بايلانىستى مەملەكەتتiك ورگان بەلگiلەگەن تالاپتاردى ورىنداعان. ولار 2020 جىلى 7 سەۋٸردە تٷنگٸ ساعات 22.30-تەر شاماسىندا اققىستاۋ اۋىلىنداعى ەگەمەن قازاقستان كٶشەسٸنٸڭ بويىندا توپتاسىپ جٷرگەن. كەشكٸ ساعات 21:00-دەن كەيٸن كٶلٸكپەن سەبەپسٸز شىققان ەرٸ تٶتەنشە جاعداي رەجيمٸن بۇزعان», - دەپ حابارلادى وبلىستىق سوتتىڭ باسپاسٶز قىزمەتٸ.
وسىعان بايلانىستى ەكٸمشٸلٸك حاتتاما تولتىرىلىپ, ماتەريال يساتاي اۋداندىق سوتىنا جولدانعان. سوتتا تٶتەنشە جاعداي رەجيمٸن بۇزۋ فاكتٸسٸنە قاتىستى 4 ەكٸمشٸلٸك ٸس قارالدى. قۇقىق بۇزۋشىلار «TrueConf» قوسىمشاسى ارقىلى سوت وتىرىسىنا قاتىسىپ, ٶزدەرٸنٸڭ كٸنەسىن مويىندادى.
سوت قاۋلىسىمەن قۇقىق بۇزۋشىلار كٸنەلٸ دەپ تانىلىپ, ولاردىڭ ەرقايسىسىنا 3 تەۋلٸك مەرزٸمگە ەكٸمشٸلٸك قاماۋعا الۋ جازاسى تاعايىندالدى.
