Atyraýda biikten qulaǵan eki elektrmontajdaýshynyń biri qaitys boldy, dep habarlaidy "Ult aqparat".
Oqys oqiǵa keshe, 10 tamyzda saǵat 15:00 shamasynda bolǵan.
«Atyraý Jaryq» AQ-nyń elektromonterler brigadasy avtogidrokótergishtiń kómegimen 6-7 metr biikte joǵary voltty elektr jelisiniń symdaryn montajdaǵan. Sol kezde manipýliatordyń avtomunarasy qulap, montajdaýshy eki adam aýyr dene jaraqatyn alǵan. Onyń ekeýi de oblystyq aýrýhanaǵa jetkizilgen. Alaida, zardap shekken jumysshynyń biri aýrýhanada kóz jumǵan.
«Qazir «Atyraý Jaryq» AQ-nyń qyzmetkeri – 1979 jyly týǵan azamattyń ólimine qatysty QR Qylmystyq Kodekstiń 156-babynyń 3 bóligimen sotqa deiingi tergeý júrgizilip jatyr. Múrdege sot-meditsinalyq saraptama taǵaiyndaldy» - dep habarlady oblystyq politsiia departamentiniń baspasóz qyzmeti.
