اتىراۋدا بيٸكتەن قۇلاعان ەكٸ ەلەكترمونتاجداۋشىنىڭ بٸرٸ قايتىس بولدى, دەپ حابارلايدى "ۇلت اقپارات".
وقىس وقيعا كەشە, 10 تامىزدا ساعات 15:00 شاماسىندا بولعان.
«اتىراۋ جارىق» اق-نىڭ ەلەكترومونتەرلەر بريگاداسى اۆتوگيدروكٶتەرگٸشتٸڭ كٶمەگٸمەن 6-7 مەتر بيٸكتە جوعارى ۆولتتى ەلەكتر جەلٸسٸنٸڭ سىمدارىن مونتاجداعان. سول كەزدە مانيپۋلياتوردىڭ اۆتومۇناراسى قۇلاپ, مونتاجداۋشى ەكٸ ادام اۋىر دەنە جاراقاتىن العان. ونىڭ ەكەۋٸ دە وبلىستىق اۋرۋحاناعا جەتكٸزٸلگەن. الايدا, زارداپ شەككەن جۇمىسشىنىڭ بٸرٸ اۋرۋحانادا كٶز جۇمعان.
«قازٸر «اتىراۋ جارىق» اق-نىڭ قىزمەتكەرٸ – 1979 جىلى تۋعان ازاماتتىڭ ٶلٸمٸنە قاتىستى قر قىلمىستىق كودەكستٸڭ 156-بابىنىڭ 3 بٶلٸگٸمەن سوتقا دەيٸنگٸ تەرگەۋ جٷرگٸزٸلٸپ جاتىر. مٷردەگە سوت-مەديتسينالىق ساراپتاما تاعايىندالدى» - دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
