Foto: azh.kz
Atyraýda juqpaly aýrýlar aýrýhanasynyń 40-qa jýyq sanitary úsh aidan beri tólem ala almai júr. Osy sebepti olar aýrýhana ǵimaratynyń aldyna jinaldy, - dep habarlaidy Tengrinews.kz agenttigi "Aq Jaiyq" basylymyna silteme jasap.
Jumysshylardyń aitýynsha, sońǵy úsh aida olarǵa saqtandyrý jáne "zeinetaqy" aýdarylmaǵan, sonyń kesirinen olardyń kópshiligi memlekettik turǵyn úi baǵdarlamasyna qatysa almai qalǵan.
"Meniń bir qyzym bar - 1 toptaǵy múgedek. "Otbasy bankte" baspana kezeginde turmyn. Jaqynda "Shańyraq" baǵdarlamasy boiynsha konkýrs bolyp, zeinetaqy jarnalary túspegendikten ótpei qaldym. Al bizdiń jalaqymyz nebári 100 myń", – deidi №2 oblystyq aýrýhana qyzmetkeri Aijan Saǵyndyqova.
Aýrýhana basshylyǵy tólemderdiń keshigýi bolǵanyn moiyndap otyr. Óitkeni mekemeniń belgili bir kompaniiaǵa 90 million teńge qaryzy bar.
"Bizde qarjylyq qiyndyqtar bar ekenin barlyq qyzmetker biledi. Bizge túsetin qarajat tek jalaqyǵa ǵana jetedi, ókinishke qarai, zeinetaqy men basqa da tólemderge joq", - dedi № 2 oblystyq aýrýhana direktorynyń m.a. Nadia Erǵalieva jiynnan keiin ótken keńeste aitty.
Óz kezeginde oblystyq densaýlyq saqtaý basqarmasy basshysynyń orynbasary Qaisar Ábdaliev arnaiy komissiia qurylyp, esep-tekserý jumystary júrgizilip jatqanyn aitty. Oblystyq densaýlyq saqtaý basqarmasynyń ókilderi men Nadia Erǵalieva bul másele jyl aiaǵyna deiin sheshiledi dep ýáde berdi.
