Atyraý oblysynyń ákimdigi aýany lastaityn iri kásiporyndarǵa tal egý úshin arnaiy ýchaskeler bekitpek. Bul týraly Úkimet otyrysynda Mahambet Dosmuhambetov málim etti, dep habarlaidy "Ult aqparat".
Úkimet otyrysynda Ekologiia, geologiia jáne tabiǵi resýrstar ministri Maǵzum Myrzaǵaliev Atyraý oblysynyń ekologiialyq problemalaryn sheshýge baǵyttalǵan Jol kartasy 40 is-sharadan turatynyn jetkizdi.
Onyń ishinde jańa káriz tazartý keshenderin salyp, eskilerin qaita qalpyna keltirý, «Týhlaia balka» jáne «Kvadrat» kárizdik alańdaryn rekýltivatsiialaý, kógaldandyrý, Jaiyq ózeniniń basseinin tazartý jáne saýyqtyrý sekildi basqa da mańyzdy sharalar kózdelgen.
Al Atyraý oblysynyń ákimi Mahambet Dosmuhambetov bul jospar sheńberinde naqty qandai sharalar qarastyrylǵanyn aityp berdi.
«Óńirdegi iri munai-gaz kásiporyndaryn «Lastaýshy qalpyna keltiredi» ustanymyna sáikes, qorshaǵan ortaǵa keltirgen zalaldyń ornyn toltyrý úshin kógaldandyrý jumystaryna tartý kózdelýde. Birinshi sanattaǵy kásiporyndardyń atmosferaǵa shyǵarǵan 165 myń tonna shyǵaryndylar kóleminiń 86 paiyzyn – 6 iri kásiporyn qurap otyr. Oblys ákimdigi negizgi lastaýshy kózderi bolyp otyrǵan iri kásiporyndarmen kelissózderdi júrgizip, olarǵa tal egý úshin arnaiy jer ýchaskelerin bekitip berý baǵytynda jumystardy atqaryp jatyr. Osyǵan sáikes qazir qala aimaǵynan orman qory men eldi mekender jerin qosa alyp, ýchaskelerdiń tizbesi jasaqtaldy. Kógaldandyrý jumystarymen qosa alǵanda aýdandardyń barlyq eldi mekenderinde júrgiziledi. Bul jyl saiyn 100 myńǵa deiin qosymsha kóshet egýge múmkindik beredi», - dedi ol.
