Atyraýda atys qarýymen adam óltirgen 36 jastaǵy azamat ustaldy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, qylmystyq oqiǵa 9 tamyzda saǵat 03:10 shamasynda Atyraý qalasynyń mańyndaǵy Damby aýylynda bolǵan.
«Aýyldyń eki turǵyny arasynda kelispeýshilik týyndaǵan. Onyń biri atys qarýyn qoldanyp, saldarynan 2002 jyly týǵan azamat oqtan dene jaraqatyn alǵan. Keiin aýrýhanada qaitys bolǵan. Politsiia qyzmetkerleri asa aýyr qylmys jasaǵan kúdiktini izin sýytpai anyqtady. 1994 jyly týǵan azamat ýaqytsha ustaý izoliatoryna qamaýǵa alyndy» -dedi departamenttiń baspasóz qyzmeti.
Qazir atalǵan is boiynsha qajetti saraptamalar taǵaiyndaǵan. Sotqa deiingi tergeý QR Qylmystyq Kodeksiniń 99-babynyń 1-bóligimen (Adam óltirý) júrgizilýde.
