Atyraý qalalyq ákimdiginiń ǵimaratynda «Ashyq ákimdik» front-ofisi ashyldy, dep habarlaidy "Ult aqparat".
Jańa front-ofistiń ashylýyna QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev pen Atyraý oblysynyń ákimi Mahambet Dosmuhambetov qatysty.
Jańa jobany tanystyrǵan Atyraý qalasynyń ákimi Qairat Orazbaevtyń aitýynsha, «Ashyq ákimdik» jobasy Prezident Qasym-Jomart Toqaevtyń «halyq únine qulaq asatyn memleket» qaǵidatyn júzege asyrý maqsatynda ashylǵan. Basty mindet – memlekettik organ men halyq arasyndaǵy bailanysty nyǵaitý.
Atyraý qalalyq ákimdiginiń birinshi qabatynda ornalasqan jańa keńseniń aýmaǵy 328,9 m2 quraidy. Front-ofiste qalalyq ákimdiktiń 5 mamany qyzmet kórsetedi.
«Turǵyndar jer qatynastary máselesi, áleýmettik qamtý jáne turǵyn úi kommýnaldyq sharýashylyǵy baǵytyndaǵy memleketettik qyzmetterdi ońai alady. Óitkeni, munda qalalyq ákimdiktiń jalpy bóliminiń mamandary qala ákimi men orynbasarlarynyń qabyldaýyna tirkeidi. Munda qala ákiminiń orynbasarlary men birneshe bólim mamandary ashyq úlgide jumys isteidi. Qujattardy jinaqtaýdy jeńildetý maqsatynda halyqqa qyzmet kórsetý ortalyǵynyń mamandary da bar» -dedi qala ákimi Qairat Orazbaev.
Qala ákiminiń aitýynsha, «Ashyq ákimdik» keńsesin jasaqtaý qarasha aiynda bastalǵan. Burynǵy kabinetterdiń ornyna áinekpen bólingen arnaiy alań jasalǵan. Mundaǵy opertsiialyq zalda kútý zaly birge qarastyrylǵan.
Front-ofiste azamattardyń elektrondy úkimet kómegimen ózine-ózi qyzmet kórsetý bólmesi ashylǵan. Balalarǵa arnalǵan oiyn buryshy men kofe-rým kelýshilerge arnalǵan.
