Búgin Atyraýda akademik Salyq Zimanovtyń esimi mektepke berilip, eskertkishi qoiyldy, dep habarlaidy QazAqparat.
Biyl memleket jáne qoǵam qairatkeri, akademik Salyq Zimanovtyń týǵanyna – 100 jyl. Osyǵan orai búgin Atyraý qalasyndaǵy №37 orta mektepke Salyq Zimanovtyń esimi berilip, bilim ordasynyń aldynda qairatkerdiń eńseli eskertkishi ornatyldy.
Saltanatty is-sharaǵa oblys ákiminiń orynbasary Nariman Taýshev, Parlament Senatynyń depýtaty Baqytjan Jumaǵulov, Parlament Májilisiniń depýtaty Názilá Razzak, qoǵam qairatkeri Irak Elekeev, Atyraý oblystyq sotynyń tóraǵasy Baýyrjan Jumaǵulov, Ekologiia, geologiia jáne tabiǵi resýrstar ministriniń keńesshisi Sársenbai Eńsegenov, Salyq Zimanovtyń kelini Janna Zimanova qatysty.
Zańǵar zańger Salyq Zimanovqa qoiylǵan eskertkishtiń avtory – músinshi Baqytbek Muhametjanov. Eskertkish qoladan quiylǵan. Jalpy biiktigi – 4,1 metr, eskertkish biiktigi – 2,50, tuǵyry – 1,60 metr.
