Atyraýda Abaidyń 175 jyldyǵyna orai «Qalyń elim, qazaǵym!» atty respýblikalyq aqyndar aitysy bastaldy. Aitys Mahambet atyndaǵy akademiialyq qazaq drama teatrynda ótip jatyr, dep habarlaidy "Ult aqparat".
Aqyndar aitysy búgin bastaldy. Aitysty oblys ákimdiginiń qoldaýymen Qazaqstan Jazýshylar Odaǵynyń óńirlik filialy uiymdastyryp otyr. Filial direktory Qoishyǵul Jylqyshievtyń aitýynsha, kesteli jyrdan sóz óriletin jyr dodasyna ár óńirden kelgen 24 aqyn baq synaýda.
Respýblikalyq aitystyń ashylý saltanatynda oblys ákiminiń orynbasary Baqytgúl Hamenova aqyndarǵa sáttilik tiledi.
Belgili aqyn Júrsin Erman aitysty júrgizip otyr. Al, aqyndar ónerine baǵa beretin qazylar alqasynyń tóraǵasy – KSRO jáne Qazaqstan Respýblikasy Memlekettik syilyqtarynyń laýreaty, Qazaqstannyń Eńbek Eri, teatr jáne kino akteri Asanáli Áshimov.
Aitystyń jeńimpazy men júldegerleri erteń anyqtalady.
