Atyraý oblysynyń mektepterinde 9-11 synyptardyń oqýshylary III toqsannyń sabaǵyn qashyqtan oqýdy jalǵastyrady, dep habarlaidy "Ult aqparat".
Atyraý oblystyq sanitariialyq-epidemiologiialyq baqylaý departamenti baspasóz qyzmetiniń málimetinshe, 9-11 synyptardyń oqýshylary úshin sabaqty oflain ótkizý jóninde sheshim qabyldanbaǵan.
«Oblystyń bas memlekettik sanitariialyq dárigeriniń 2020 jylǵy 19 jeltoqsandaǵy №71 qaýlysyna sáikes, oqýshylar sabaqty qashyqtan oqidy. Bul óńirdegi epidemiologiialyq jaǵdaiǵa bailanysty bolyp otyr», - dep habarlady departamenttiń baspasóz qyzmeti.
Eske sala ketelik, budan buryn Atyraý oblysynyń bas sanitar dárigeriniń №71 qaýlysynda: «Atyraý oblysynyń aýmaǵynda epidemiologiialyq jaǵdai turaqtalǵanǵa deiin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdailarymen shekteý sharalary engizilsin. Shekteý is-sharalarynyń rejimi men merzimderi oblys aýmaǵynda COVID-19 koronavirýstyq infektsiiasynyń taralýy boiynsha ahýaldyń ózgerýine sáikes qaita qaralýy múmkin», - delingen edi.
