Foto: Pexels.com
Atyraýda 80 jastaǵy zeinetker ózine qamqorlyq kórsetpegen balalary men nemeresin sotqa berip, aliment óndirip alýǵa májbúr boldy, dep habarlaidy Ult.kz.
Zeinetkerdiń aitýynsha, ol sońǵy 10 jyldan astam ýaqyt boiy jalǵyz turyp kelgen. Segiz balasynyń ishinde tek bir uly ǵana anda-sanda habarlasyp turǵan, al qalǵandary, sonyń ishinde bir nemeresi de materialdyq ne moraldyq qoldaý kórsetpegen.
Qart adamnyń densaýlyǵy men qarjylyq jaǵdaiy nasharlaǵandyqtan, ol týystarynyń kómegine zárý ekenin málimdegen. Osyǵan bailanysty ol sotqa júginip, jaqyn týystarynan aliment óndirýdi talap etken.
«Neke (erli-zaiyptylyq) jáne otbasy týraly» Kodekske sáikes, kámeletke tolǵan eńbekke qabiletti balalar kómekke muqtaj ata-analaryn asyraýǵa mindetti. Al atalar men ájelerge kelsek, olar ózderine nemquraily qaraǵan balalarynan nemese nemerelerinen sot arqyly aliment talap ete alady.
Atyraý qalalyq soty taraptardyń otbasylyq jáne qarjylyq jaǵdailaryn eskerip, talap qoiýshynyń talabyn ishinara qanaǵattandyrdy. Endi zeinetkerdiń tamaǵy men dári-dármegine qajetti qarajat retinde onyń segiz balasy men bir nemeresiniń árqaisysy 3 AEK (ailyq eseptik kórsetkish) mólsherinde aliment tóleitin boldy.
Sot sheshimi ázirge zańdy kúshine engen joq.
