فوتو: Pexels.com
اتىراۋدا 80 جاستاعى زەينەتكەر ٶزٸنە قامقورلىق كٶرسەتپەگەن بالالارى مەن نەمەرەسٸن سوتقا بەرٸپ, اليمەنت ٶندٸرٸپ الۋعا مەجبٷر بولدى, دەپ حابارلايدى Ult.kz.
زەينەتكەردٸڭ ايتۋىنشا, ول سوڭعى 10 جىلدان استام ۋاقىت بويى جالعىز تۇرىپ كەلگەن. سەگٸز بالاسىنىڭ ٸشٸندە تەك بٸر ۇلى عانا اندا-ساندا حابارلاسىپ تۇرعان, ال قالعاندارى, سونىڭ ٸشٸندە بٸر نەمەرەسٸ دە ماتەريالدىق نە مورالدىق قولداۋ كٶرسەتپەگەن.
قارت ادامنىڭ دەنساۋلىعى مەن قارجىلىق جاعدايى ناشارلاعاندىقتان, ول تۋىستارىنىڭ كٶمەگٸنە زەرۋ ەكەنٸن مەلٸمدەگەن. وسىعان بايلانىستى ول سوتقا جٷگٸنٸپ, جاقىن تۋىستارىنان اليمەنت ٶندٸرۋدٸ تالاپ ەتكەن.
«نەكە (ەرلٸ-زايىپتىلىق) جەنە وتباسى تۋرالى» كودەكسكە سەيكەس, كەمەلەتكە تولعان ەڭبەككە قابٸلەتتٸ بالالار كٶمەككە مۇقتاج اتا-انالارىن اسىراۋعا مٸندەتتٸ. ال اتالار مەن ەجەلەرگە كەلسەك, ولار ٶزدەرٸنە نەمقۇرايلى قاراعان بالالارىنان نەمەسە نەمەرەلەرٸنەن سوت ارقىلى اليمەنت تالاپ ەتە الادى.
اتىراۋ قالالىق سوتى تاراپتاردىڭ وتباسىلىق جەنە قارجىلىق جاعدايلارىن ەسكەرٸپ, تالاپ قويۋشىنىڭ تالابىن ٸشٸنارا قاناعاتتاندىردى. ەندٸ زەينەتكەردٸڭ تاماعى مەن دەرٸ-دەرمەگٸنە قاجەتتٸ قاراجات رەتٸندە ونىڭ سەگٸز بالاسى مەن بٸر نەمەرەسٸنٸڭ ەرقايسىسى 3 اەك (ايلىق ەسەپتٸك كٶرسەتكٸش) مٶلشەرٸندە اليمەنت تٶلەيتٸن بولدى.
سوت شەشٸمٸ ەزٸرگە زاڭدى كٷشٸنە ەنگەن جوق.
