Atyraýda 8-synyp oqýshysyn urǵan jasóspirimderge qatysty qylmystyq is qozǵaldy, dep habarlaidy "Ult aqparat".
Budan buryn áleýmettik jelide Atyraýda kámelet jasyna tolmaǵan 5 jasóspirimniń 8-synyp oqýshysyn urǵan videosy taraǵan edi. Oblystyq bilim basqarmasynyń baspasóz qyzmeti taratqan aqparatqa súiensek, oqiǵa 12 sáýirde saǵat 18:30 shamasynda Atyraý qalasyndaǵy mektep-internat ǵimaratynyń artynda bolǵan.
«Atalǵan videoǵa bailanysty politsiia qyzmetkerleri tekserý júrgizip, jaǵdaidy jábirlenýshi taraptyń anasyna habarlaǵan. Qazir osy oqiǵaǵa qatysy bar 5 jasóspirim, onyń ishinde mekteptiń 4 oqýshysy men kolledjdiń 1 stýdenti anyqtaldy. Olarǵa qatysty QR Qylmystyq Kodeksiniń 293-baby, 2-bóliginiń 1-tarmaǵyna sáikes qylmystyq is qozǵaldy» -dep habarlady basqarmanyń baspasóz qyzmetinen.
Sondai-aq, jaýapqa tartylǵan jasóspirimder oqityn bilim berý mekemeleriniń basshylarynan túsinikteme alynǵan. Al, soqqyǵa jyǵylǵan oqqýshyǵa psihologtiń kómegi kórsetilgen.
Eske sala ketelik, buǵan deiin Atyraý oblysynda bir otbasynyń eki balasy narkologiialyq esepke alynǵanyn jazǵan bolatynbyz.
