Atyraýda 12 jastaǵy qyzǵa kúsh kórsetip, tiisken er adamǵa izdeý jariialandy. Oqiǵa 2 tamyz kúni saǵat 22:00 shamasynda Erkinqala-2 yqshamaýdanynda bolǵan, dep habarlaidy ult.kz.
Anasynyń aitýynsha, jasóspirim oiyn alańynan úiine qaityp kele jatqan kezde belgisiz er adam ony toqtatyp, qorqytqan. Kúdikti qyzdan aldymen araq alyp berýdi talap etken.
Jábirlenýshiniń anasy Balaýsa Óteýovanyń sózinshe, er adam keiin qyzǵa jaqyndap, súimek bolǵan. Qyz qarsylyq tanytyp, kúdiktiniń qolynan bosap qashyp ketken.
«Toqtaǵan da, “ernimnen súi, ernińnen súigizshi” degen. Jaqyndatyp jatqan kezde qyzym jelke shashynan ustap tartqan. Sol sátte qoly bosap, tura qashqan», – deidi anasy.
Ata-anasynyń aitýynsha, oqiǵadan keiin olar politsiiaǵa júgingen. Bastapqyda jaqyn mańdaǵy beinebaqylaý kameralary jumys istemeitini aitylǵan. Alaida keiin kúdiktiniń áreketi turǵyn úilerdiń birindegi kameraǵa túsip qalǵany anyqtalǵan.
Qazir politsiia qylmystyq is qozǵap, kúdiktini anyqtaý jáne ustaý boiynsha jedel-izdestirý sharalaryn júrgizip jatyr.
Oqiǵadan keiin 12 jastaǵy qyzdyń qatty qorqyp qalǵany, tipti úiden jalǵyz shyǵýǵa úreilenetini aityldy.
