Atyraýda 31 jastaǵy turǵyn 625 keli bekiremen ustaldy, dephabarlaidy "Ult aqparat".
Oblystyq politsiia departamenti baspasóz qyzmetiniń málimetinshe, Balyq qoryna qylmystyq qol suǵýshylyqpen kúres bóliminiń qyzmetkerleri asa iri mólsherde bekire balyǵyn tárkiledi.
«14 qazanǵa qaraǵan túni Jaiyq ózeniniń Damba aýyly tusynda birinshi ózekte tártip saqshylary «Yamaha» aspaly motory bar qaiyqty toqtatty. Qaiyqtan jalpy salmaǵy 625 keli bolatyn bekire tuqymdas balyqtardyń 238 danasy tabyldy.
Osy derekke bailanysty Jańatalap eldi mekeniniń 31 jastaǵy turǵyny ustaldy. Qazir kúdiktige qatysty QR Qylmystyq Kodeksiniń 339-babymen (Ósimdikter men janýarlardyń sirek kezdesetin jáne quryp ketý qaýpi tóngen túrlerimen zańsyz ainalysý) sotqa deiingi tergeý bastaldy», - dedi Atyraý oblystyq politsiia departamentiniń bastyǵy Qamza Úmbetqaliev.
Eske sala ketelik, budan buryn Atyraý oblysynda Lada Prioro-dan 75 keli bekire tabylǵanyn habarlaǵan bolatynbyz.
