31 mamyr kúni tańerteń Atyraýda oblystyq sottyń zalynda 40 jastaǵy er adam sottyń QR ÁQBtK-niń 608-baby (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúide basqarýy) boiynsha shyǵarǵan qaýlysyna kelispei, óziniń tamyryn kesip tastap, ózine-ózi qol jumsady, dep habarlaidy "Ult aqparat" Aq Jaiyq basylymyna silteme jasap.
Anyqtalǵandai, bul turǵynnyń alǵashqy jazasy emes. Ajyrasý kezeńinde 36 jastaǵy áieli erin sotqa berip, QR QK-niń 389-babymen jazalanǵan. Osy bap boiynsha jazalanýshyǵa aiyppul, túzetý jumystary nemese qamaqqa alý jazasy kózdelgen.
Atyraý oblystyq sotynyń baspasóz qyzmeti "AJ" saýaldaryna jaýap bere almady, "jumys kúni resmi aqparat beriledi" dep qysqa jaýap qaiyrdy. Paiymdaýymyzsha, jańa taǵaiyndalǵan jazaǵa kelispegen er adam óz-ózine qol saldy.
"Sharshap kettim, meni qaita-qaita qamai beredi. Shyqqanyma 1,5 ai boldy. Taǵy da eki aiǵa jappaqshy. Ádildik joq, men ózime-ózim qol jumsaimyn. Basqa amalym qalmady" deidi ol.
Ózine ózi qol salǵan er adam birneshe ýaqyt politsiia qyzmetkerlerin qasyna jýytpady. Keiin oblystyq aýrýhanaǵa jetkizilip, ol jerden meditsinalyq kómek kórsetilgennen keiin tergeý izoliatoryna qamaldy.
