Foto: depositphotos.com
Atyraý politseileri qala mektepterine "shabýyl jasalatyny" týraly habarlamaǵa qatysty túsinik berdi, - dep habarlaidy "Ult aqparat".
Atyraý oblystyq politsiia departamentiniń málimetinshe, áleýmettik jelilerde belgisiz tulǵalar Atyraýdaǵy mektepterde qylmys jasaýǵa daiyndalyp jatqany týraly taǵy da aqparat taratyp jatyr.
"Osy fakti boiynsha politsiia departamenti terrorizm aktisi týraly kórineý jalǵan habarlaǵany úshin sotqa deiingi tergep-tekserý júrgizip jatqanyn habarlaimyn.
26 qańtardan beri quziretti organdarmen birlesip oqý oryndarynyń qaýipsizdigin qamtamasyz etý, onyń ishinde beinebaqylaý arqyly jáne olarǵa jaqyn jerlerde politsiia jasaqtaryn kóbeitý jumystaryn úzdiksiz júrgizip jatyrmyz.
Mektep oqýshylary shtattyq rejimde oqýyn jalǵastyryp jatyr, politsiia jáne ózge de quzyrly organdar tiisinshe qaýipsizdikti qamtamasyz etedi", - dedi Atyraý politsiia basqarmasy bastyǵynyń orynbasary Ánýar Kókalov.
Vedomstvo ókili bul habarlamalar halyq arasynda dúrbeleń týǵyzýǵa arnalǵanyn aitty.
"Azamattardan arandatýshylyqqa berilmeýin jáne tynyshtyqty saqtaýdy suraimyz! Jaǵdai quqyq qorǵaý organdarynyń baqylaýynda", - dedi ol.
