Atyraý oblysynyń turǵynynan jarty tonnadan astam bekire tárkilendi, dep habarlaidy "Ult aqparat".
Oblystyq Politsiia departamenti baspasóz qyzmetiniń málimetinshe, Qulsary qalasynyń 31 jastaǵy turǵyny 576 keli bekire tuqymdas balyǵyn zańsyz saqtaǵan.
«Politsiia departamentiniń Kriminaldy politsiia basqarmasyna 23 maýsymda Jylyoi aýdanynyń ortalyǵy – Qulsary qalasynda turatyn 31 jastaǵy azamattyń bekire tuqymdas balyqtaryn úiine zańsyz saqtap, satyp júrgeni týraly aqparat tústi.
Politseiler jedel is-shara júrgizip, turǵynnyń mekenjaiyna tintý júrgizildi.
Nátijesinde kúdiktiniń úiiniń aýlasynda ornalasqan saraidaǵy tońazytqyshtan jalpy salmaǵy 576 kelini quraǵan 169 dana bekire tuqymdas balyq tabyldy», - dedi oblystyq Politsiia departamentiniń bastyǵy, politsiia polkovnigi Qamza Úmbetqaliev.
Qazir atalǵan derekke qatysty Jylyoi aýdandyq politsiia bólimi QR Qylmystyq Kodeksiniń 339-babynyń 1-bóligimen sotqa deiingi tergeýdi bastady.
