اتىراۋ وبلىسىنىڭ تۇرعىنىنان جارتى توننادان استام بەكٸرە تەركٸلەندٸ, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, قۇلسارى قالاسىنىڭ 31 جاستاعى تۇرعىنى 576 كەلٸ بەكٸرە تۇقىمداس بالىعىن زاڭسىز ساقتاعان.
«پوليتسييا دەپارتامەنتٸنٸڭ كريمينالدى پوليتسييا باسقارماسىنا 23 ماۋسىمدا جىلىوي اۋدانىنىڭ ورتالىعى – قۇلسارى قالاسىندا تۇراتىن 31 جاستاعى ازاماتتىڭ بەكٸرە تۇقىمداس بالىقتارىن ٷيٸنە زاڭسىز ساقتاپ, ساتىپ جٷرگەنٸ تۋرالى اقپارات تٷستٸ.
پوليتسەيلەر جەدەل ٸس-شارا جٷرگٸزٸپ, تۇرعىننىڭ مەكەنجايىنا تٸنتۋ جٷرگٸزٸلدٸ.
نەتيجەسٸندە كٷدٸكتٸنٸڭ ٷيٸنٸڭ اۋلاسىندا ورنالاسقان سارايداعى توڭازىتقىشتان جالپى سالماعى 576 كەلٸنٸ قۇراعان 169 دانا بەكٸرە تۇقىمداس بالىق تابىلدى», - دەدٸ وبلىستىق پوليتسييا دەپارتامەنتٸنٸڭ باستىعى, پوليتسييا پولكوۆنيگٸ قامزا ٷمبەتقاليەۆ.
قازٸر اتالعان دەرەككە قاتىستى جىلىوي اۋداندىق پوليتسييا بٶلٸمٸ قر قىلمىستىق كودەكسٸنٸڭ 339-بابىنىڭ 1-بٶلٸگٸمەن سوتقا دەيٸنگٸ تەرگەۋدٸ باستادى.
